გასტროენტეროლოგის კონსულტაცია

ექიმი გასტროენტეროლოგი-ეს არის სპეციალისტი, რომელიც ახორცილებს საჭმლის მომნელებელი სისტემის დაავადებებს დიაგნოსტირებას და მკურნალობს. საყლაპავის და კუჭის, ნაწლავების, ღვიძლის, სანაღვლე გზებისა და ნაღვლის ბუშტის, კუჭქვეშა ჯირკვლის დაავადებებით მიმართეთ თბილისში გასტროენტეროლოგს.

ამჟამად, გასტროენტეროლოგიური დაავადებები ძალიან ხშირია და მათი გავრცელება იზრდება. ამას ხელს უწყობს ისეთი ფაქტორები, როგორიცაა არაჯანსაღი კვება, მკაცრი დიეტები, არასწორი ცხოვრების წესი, სტრესი და მავნე ჩვევები. ადამიანების უმეტესობას ცხოვრებაში ერთხელ მაინც სჭირდება გასტროენტეროლოგის კონსულტაცია.

რა დაავადებებს მკურნალობს გასტროენტეროლოგი?

ყველაზე გავრცელებული დაავადებები, რომლის დიაგნოსტირებას და მკურნალობას ახდენს გასტროენტეროლოგი არის:

• მწვავე და ქრონიკული გასტრიტი, გასტროენტერიტი;
• კუჭისა და თორმეტგოჯა ნაწლავის წყლულოვანი დაავადებები;
• ქრონიკული პანკრეატიტი და ქოლეცისტიტი;
• გასტროეზოფაგური რეფლუქს დაავადება;
• სანაღვლე გზების დისკინეზია;
• გაღიზიანებული ნაწლავის სინდრომი;
• რეფლუქს-ეზოფაგიტი;
• ნაწლავის ანთებითი დაავადებები: კრონის დაავადება, წყლულოვანი კოლიტი;
• სხვადასხვა წარმოშობის ჰეპატიტი, ღვიძლის ციროზი.

რა სიმპტომებით უნდა მიმართოთ სპეციალისტს?

როგორც კი გამოვლინდება საჭმლის მომნელებელი ტრაქტის დარღვევის პირველი სიმპტომები, დაუყოვნებლივ უნდა მიმართოთ ექიმს. დროული დიაგნოსტიკა და ადრეულ ეტაპებზე მკურნალობის დაწყება დაგეხმარებათ დაავადებასთან უფრო სწრაფად და მარტივად გამკლავებაში, თავიდან აგაცილებთ მის პროგრესირებას და სერიოზული გართულებები.

გასტროენტეროლოგებს მიმართავენ შემდეგი ჩივილებით:

• მუცლის ტკივილი;
• ტკივილი და დისკომფორტი ჭამის შემდეგ ან, პირიქით, ცარიელ კუჭზე;
• გულისრევა, ღებინება;
• გულძმარვა;
• ხშირი ბოყინი;
• მჟავე, მწარე გემო პირში;
• წვის შეგრძნება გულმკერდის არეში – ეს შეიძლება იყოს გასტროეზოფაგური რეფლუქსის (კუჭის შიგთავსის რეფლუქსი საყლაპავში) სიმპტომი;
• სწრაფი დანაყრება მცირე რაოდენობის საკვების მიღების შემდეგ;
• მადის დაკარგვა;
• წონის დაკლება აშკარა მიზეზის გარეშე.

რა ხდება კონსულტაციის დროს?

შეხვედრა იწყება საუბრით და ანამნეზის შეგროვებით. ექიმი ეკითხება პაციენტს, როგორ ჭამს, ჰქონდა თუ არა პრობლემები საჭმლის მომნელებელ სისტემასთან ადრე, რა სიმპტომები აქვს ახლა, როდის გაჩნდა და როგორ შეიცვალა ისინი დროთა განმავლობაში. შემდეგ ტარდება გამოკვლევა, ექიმი გასინჯავს მუცლის ღრუს, შეაფასებს პაციენტის ზოგად მდგომარეობას.

პირველადი კონსულტაციის საფუძველზე გასტროენტეროლოგი სვამს წინასწარ დიაგნოზს და დანიშნავს გამოკვლევას. შემდეგ ვიზიტზე უნდა მიხვიდეთ ანალიზების და კვლევების შედეგებით. შედეგების განხილვის შემდეგ ექიმი დაადგენს საბოლოო დიაგნოზს და დანიშნავს მკურნალობას. საჭიროების შემთხვევაში, შესაძლოა პაციენტი გადამისამართდეს საავადმყოფოში.

დიაგნოსტიკისა და მკურნალობის მეთოდები გასტროენტეროლოგიაში

გასტროენტეროლოგმა შეიძლება დანიშნოს სისხლის, შარდისა და განავლის ლაბორატორიული ანალიზები. ანალიზები ეხმარება შინაგანი ორგანოების მდგომარეობის შეფასებასა და ანთებითი ცვლილებების გამოვლენაში. გასტროენტეროლოგიაში ინსტრუმენტული დიაგნოსტიკური მეთოდებიდან ყველაზე ხშირად გამოიყენება შემდეგი:

• ენდოსკოპიური გამოკვლევები (გასტროსკოპია, კოლონოსკოპია);
• მუცლის ღრუს ორგანოების ექოსკოპია;

დიაგნოსტიკა შეიძლება გაკეთდეს SILK Medical-ში – რაც მოსახერხებელი და სწრაფია ზუსტი დიაგნოზისთვის.

გასტროენტეროლოგია არის თერაპიული სამედიცინო სპეციალობა. დაავადებების სამკურნალოდ აქ გამოიყენება მედიკამენტური პრეპარატები და დიეტური რეკომენდაციები. ქირურგიულ პათოლოგიაზე ეჭვის შემთხვევაში გასტროენტეროლოგი პაციენტს ქირურგთან გადაამისამართებს.

კლინიკა SILK Medical-ში შეგიძლიათ მიიღოთ  გამოცდილი ექიმის კონსულტაცია. დაგვიკავშირდით და ადმინისტრატორი შეგირჩევთ თქვენთვის მოსახერხებელ დროს. კონსულტაციები ტარდება ქართულ ან რუსულ ენაზე.