![](https://silkmedical.ge/wp-content/uploads/2023/09/cdcf-e1694595012682.jpg)
სპირალის ჩადგმა და ამოღება
- თბილისი, მე-6 კვარტალი დიღმის 5ა
სპირალი (IUD) არის კონტრაცეპტივის სახეობა, რომელიც ჩაიდგმება საშვილოსნოს ყელში და საშვილოსნოს ღრუში. ამ კონტრაცეპტული მეთოდის ეფექტურობა 99%-ს აღწევს. მხოლოდ ექიმმა უნდა ჩადგას და ამოიღოს სპირალი (IUD) კლინიკურ პირობებში. ეს უზრუნველყოფს პროცედურის უსაფრთხოებას და უკუჩვენებების რისკს შეამცირებს.
საჭიროა თუ არა მომზადება პროცედურისთვის?
წინასწარ აუცილებელია SILK Medical გინეკოლოგის კონსულტაცია. ის მოგიყვებათ კონტრაცეფციის არსებულ მეთოდებზე, სპირალის უპირატესობებსა და ნაკლოვანებებზე და მათ ნაირსახეობებზე. მნიშვნელოვანია შემოწმდეს, რომ პაციენტს არ ქონდეს ისეთი უკუჩვენებები, როგორიცაა:
- დადასტურებული ან სავარაუდო ორსულობა;
- ალერგია სპირალის კომპონენტებზე;
- მწვავე ინფექციები;
- ღვიძლის დაავადებები;
- ზოგიერთი ონკოლოგიური დაავადება;
- ანამნეზში საშვილოსნოსგარე ორსულობა;
- ანთებითი პროცესები ;
- იმუნოდეფიციტი და იმუნური სისტემის დამაქვეითებელი პრეპარატების მიღება.
სპირალი რეკომენდირებულია ქალბატონებისთვის, რომლებსაც უკვე ჰყავთ ბავშვები და იმყოფებიან სტაბილურ, მონოგამიურ ურთიერთობაში.
არსებობს სხვადასხვა ტიპის სპირალი. მოქმედების პრინციპიდან გამომდინარე, გამოიყოფა ორი ტიპი:
- ლითონის შემცველი – გამოყოფს ლითონს, როგორც წესი სპილენძს ან ვერცხლს. ისინი შეიძლება ჩაიდგას 7-10 წლის ვადით და მისაღებია ქალებისთვის, რომლებსაც არ სურთ ან რაიმე მიზეზით არ შეუძლიათ გამოიყენონ ჰორმონალური კონტრაცეპტივები.
- ჰორმონის შემცველი – გამოყოფენ პროგესტინს, ჩაიდგმება 5 წლით. ორსულობის თავიდან აცილებასთან ერთად მათ შეუძლიათ შეამცირონ ზედმეტი მენსტრუალური სისხლდენა და ტკივილი მენსტრუაციის დროს.
სპირალის ჩასმა შესაძლებელია მენსტრუალური ციკლის ნებისმიერ დღეს. ექიმები ხშირად გვირჩევენ მენსტრუაციის დროს, რადგან ამ დღეებში საშვილოსნოს ყელის არხი ბუნებრივად ფართოვდება.
როგორ აყენებენ სპირალს?
პროცედურა გრძელდება 5-10 წუთი და შედგება რამდენიმე ეტაპისგან:
- ქალი იხდის ტანსაცმელს წელს ქვემოთ და მოთავსდება გინეკოლოგიურ სავარძელში;
- გინეკოლოგი ათავსებს სარკეს საშოში და ატარებს გამოკვლევას;
- შემდეგ ექიმი დაამუშავებს საშოს და საშვილოსნოს ყელს ანტისეპტიკით;
- სპირალს ათავსებენ სპეციალურ გამტარში და შეჰყავთ საშვილოსნოს ღრუში;
- როცა გამტარი საჭირო ადგილას აღმოჩნდება, სპირალი გამოყავთ გამტარიდან;
- ექიმი აკონტროლებს სპირალის სწორად განლაგებას და შემდეგ ამოიღებს გამტარს;
- სპირალის ბოლოზე მიმაგრებულია ნეილონის ძაფი, რომელიც მოიჭრება და დარჩება 4–5 სმ – ეს ძაფები მდებარეობს საშოში და მათი დახმარებით შესაძლებელია სპირალის მარტივად ამოღება.
როგორ ხდება სპირალის ამოღება?
სპირალის ამოღება ხდება მისი ვადის გასვლისას.მისი უფრო ადრე ამოღება შეიძლება საჭირო გახდეს შემდეგ შემთხვევებში:
- ჭარბი მენსტრუალური სისხლდენა და ვაგინალური სისხლდენა შუალედში;
- ტკივილი მუცლის ქვედა ნაწილში;
- სპირალის გადაადგილება;
- ანთებითი პროცესები მენჯის ღრუს ორგანოებში;
- ორსულობა;
- მენოპაუზა.
პროცედურა ძირითადად იგივე ეტაპებისგან შედგება, როგორც ჩადგმა. ანტისეპტიკით დამუშავების და დათვალიერების შემდეგ ექიმი ძაფის ბოლოებს პინცეტით ან სპეციალური დამჭერით მოქაჩავს. როგორც წესი, ამოღება მარტივი და უმტკივნეულოა. საჭიროების შემთხვევაში, შეგიძლიათ დაუყოვნებლივ ჩადგათ ახალი. ორსულობის დაგეგმვა რეკომენდებულია სპირალის ამოღებიდან არანაკლებ ორი თვის შემდეგ.
თქვენ შეგიძლიათ აირჩიოთ კონტრაცეფციის ოპტიმალური მეთოდი SILK Medical-ში. გამოცდილი მეან-გინეკოლოგები მოგიყვებიან კონტრაცეფციის არსებულ მეთოდებზე და დაგეხმარებიან არჩევაში. ჩვენი ექიმები გულდასმით და რაც შეიძლება უმტკივნეულოდ აჩენებენ და ირებენ სპირალს.