მამოლოგია

მამოლოგი – ექიმი, რომელიც ახდენს სარძევე ჯირკვლების დაავადებათა დიაგნოსტიკას,მკურნალობასა და პროფილაქტიკას. ბოლო დროს შეიმჩნევა სარძევე ჯირკვლების სიმსივნური პათოლოგიების „გაახალგაზრდავების“ ტენდენცია, ამიტომ მნიშვნელოვანია პროფილაქტიკური გამოკვლევების ჩატარების მიზნით სპეციალისტთან რეგულარული ვიზიტი. ეს გვაძლევს საშუალებას გამოვავლინოთ პათოლოგიური ცვლილებები  განვითარების ადრეულ ეტაპებზე.

როდის უნდა ჩაეწეროთ მამოლოგთან

მამოლოგთან ჩაწერა უნდა მოხდეს, თუ გაქვთ შემდეგი ჩივილები:

•         ტკივილი ან დისკომფორტი მკერდში
•         მკერდის ფორმისა და ზომის ცვლილება
•         პათოლოგიური გამონადენი სარძევე ჯირკვლებიდან
•         სარძევე ჯირკვლების ასიმეტრია
•         იღლიისქვეშა ლიმფური კვანძების გადიდება და  ტკივილი.

ზემოაღნიშნული სიმპტომები დამახასიათებელია სარძევე ჯირკვლების სხვადასხვა დაავადებებისათვის. ზოგიერთ მათგანს ახასიათებს სწრაფი განვითარება და მძიმე მიმდინარეობა. მნიშვნელობანია, რომ პირველივე პათოლოგიური ნიშნების გამოვლენისთანავე მიმართოთ ექიმს.

40 წელს გადაცილებულ პაციენტებმა წელიწადში ერთხელ მაინც უნდა მიმართონ მამოლოგს

პროფილაქტიკის მიზნით. 

მრავალპროფილურ სამედიცინო ცენტრში SILK Medical (სილქ მედიქალში) მიღებას აწარმოებენ კვალიფიციური და გამოცდილი ექიმები. თავიანთ საქმიანობაში სპეციალისტები ხელმძღვანელობენ თანამედროვე კლინიკური რეკომენდაციებით.

როგორ ხდება მამოლოგთან კონსულტაცია

პირველი მიღების დროს მამოლოგი გამოიკითხავს ჩივილებს, გააკეთებს ცხოვრების და დაავადების ანამნეზს. საუბრისას ექიმს უნდა უამბოთ სიმპტომების ინტენსივობა და ბუნება, მათი გაჩენის დრო, რა ზომები იქნა მიღებული მდგომარეობის შესამსუბუქებლად და როგორი იყო მათი ეფექტურობა. ასევე საჭიროა ნათესავებში სარძევე ჯირკვლების დაავადებების არსებობის ან არარსებობის გარკვევა.

ამის შემდეგ ექიმი ატარებს შემოწმებას, აფასებს სარძევე ჯირკვლების ფორმას, ზომას, სიმეტრიულობას. გამოკვლევის შედეგების საფუძველზე დაისმევა წინასწარი დიაგნოზი და საჭიროების შემთხვევაში დაინიშნება ლაბორატორიული და ინსტრუმენტული დიაგნოსტიკის მეთოდები. მამოლოგიაში გამოიყენება შემდეგი სახის გამოკვლევები:

•         სისხლის საერთო ანალიზი
•         სისხლის ანალიზი ონკომარკერებზე
•         სარძევე ჯირკვლების და რეგიონული ლიმფური კვანძების ულტრასონოგრაფია

დიაგნოსტიკის მოცულობა განისაზღვრება ინდივიდუალურად. საჭიროების შემთხვევაში, გამოკვლევის შედეგების საფუძველზე, შეიმუშავება მკურნალობის გეგმა.

სამედიცინო ცენტრში SILK Medical (სილქ მედიქალში) მუშაობენ მაღალკვალიფიციური და გამოცდილი მამოლოგები. იმისათვის რომ თანამშრომლები იყვნენ მამოლოგიაში გამოყენებად ყველაზე აქტუალური დიაგნოსტიკის და მკურნალობის მეთოდების კურსში, ისინი რეგულარულად ესწრებიან სპეციალიზირებულ ლექციებსა და სემინარებს.