თერაპევტის დანიშვნა
- თბილისი, მე-6 კვარტალი დიღმის 5ა
- ილია ჭავჭავაძის გამზირი, 62
- ბათუმი, ლუკა ასათიანის ქ., 45
თერაპევტი ყველაზე მრავალპროფილური სპეციალისტია. მას შეუძლია შეაფასოს სიმპტომები და პაციენტის მდგომარეობის სიმძიმე, ჩაატაროს აუცილებელი გამოკვლევები საბოლოო დიაგნოზის დასასმელად და ეფექტიანი მკურნალობის დასანიშნად.
როგორ მომდინარეობს მიღება თერაპევტთან
თერაპევტთან პირველადი ვიზიტი ანამნეზით იწყება. თერაპევტი აგროვებს ინფორმაციას არსებულ ალერგიულ რეაქციებზე, გენეტიკურ მემკვიდრეობასა და გადატანილ ოპერაციებზე.
შემდეგ მიმდინარეობს უშუალო გამოკვლევა. საჭიროებისამებრ, ექიმი უსმენს ფილტვებსა და გულს, ზომავს სიცხეს, არტერიულ წნევასა და პულსს. თერაპევტი ათვალიერებს ყელს, სინჯავს ლიმფურ კვანძებს, ფარისებრ ჯირკვალსა და მუცელს. კონსულტაცია სრულდება წინასწარი დიაგნოზით. მის დასადასტურებლად შესაძლოა გამოყენებულ იქნას ლაბორატორიული თუ ინსტრუმენტული დიაგნოსტიკის სხვადასხვა მეთოდი:
- სისხლის საერთო და ბიოქიმიური ანალიზი
- შარდის ანალიზი
- ელექტროკარდიოგრაფია (ეკგ)
- რენტგენოგრაფია
- ულტრაბგერითი დიაგნოსტიკა (ექოსკოპია) და სხვ.
გამოკვლევების მოცულობის დადგენის შემდეგ, თერაპევტი ითვალისწინებს ჩივილებს, პაციენტის მდგომარეობას, ასაკსა და სხვა ფაქტორებს. აუცილებლობის შემთხვევაში, ანალიზების ჩამონათვალი შესაძლოა გაიზარდოს.
ჩატარებული დიაგნოსტიკის შედეგების მიხედვით, ექიმი სვამს საბოლოო დიაგნოზს. გამოვლენილი პათოლოგიის მიხედვით თერაპევტს შეუძლია თავად დანიშნოს მკურნალობა ან გადაამისამართოს პაციენტი კონკრეტული მიმართულების სპეციალისტთან.
მრავალპროფილურ სამედიცინო ცენტრ SILK Medical-ში მუშაობენ მაღალკვალიფიციური და გამოცდილი თერაპევტები. ჩვენი თანამშრომლები ფლობენ დიდ ცოდნას მედიცინის სხვადასხვა დარგში. თავიანთ საქმიანობაში თერაპევტები ხელმძღვანელობენ თანამედროვე კლინიკური რეკომენდაციებით. კლინიკაში არსებული მოწინავე აღჭურვილობა იძლევა საშუალებას ჩატარდეს სხვადასხვა სირთულისა და მოცულობის გამოკვლევები.
