პედიატრია

მოცემული სპეციალისტის დაკვირვების ქვეშ ყოფნა აუცილებელია და ბავშვის ჯანმრთელობის დაცვის პრიორიტეტულ ზომებს განეკუთვნება. გეგმიური დათვალიერებები ინიშნება და ტარდება ასაკის შესაბამისად, სადაც ყურადღება ექცევა პატარა პაციენტების ორგანიზმის განვითარების თავისებურებებს ცხოვრების ყოველ კონკრეტულ პერიოდში.

პედიატრს მიმართავენ არა მხოლოდ გაციებისას ან სხვა უარყოფითი სიმპტომების არსებობის დროს, ის აკვირდება პატარა ადამიანის ჯანმრთელობას მის სრულწლოვანებამდე. სწორედ ამ პერიოდში ხდება გარეგნული ფიზიკური განვითარება, მაგრამ ასევე – ორგანიზმის შიდა სისტემების დიდი ნაწილის ჩამოყალიბებაც, მათ შორის ნერვული სისტემის. ამიტომ ასე მნიშვნელოვანია შევინარჩუნოთ და, საჭიროების შემთხვევაში, აღვადგინოთ ბავშვის ჯანმრთელობა, რომ მას შეეძლოს მაქსიმალურად გამოიყენოს თანდაყოლილი პოტენციალი ცხოვრებაში.

ჩივილების და რაიმე სახის ცუდად ყოფნის შემთხვევაში არ უნდა გადავდოთ ვიზიტი ექიმ-პედიატრთან. თუ ბავშვს აქვს ტემპერატურა, ხშირად ტირის, ძილიანობა, გამონაყარი, გულისრევა, ღებინება, ამორწყევა, თხევადი განავალი, ღამის ძილის დარღვევა, კრუნჩხვები, ტოკვა, ხველება და სხვა სიმპტომები, დაყოვნების გარეშე უნდა ჩაეწეროთ სპეციალისტთან მიღებაზე. ასევე უკეთესია ექიმს ანახოთ ბავშვი, თუ ის წაიქცა, მწერებმა ან ცხოველებმა დაკბინეს, ასევე თუ რაიმე ეჭვი არსებობს ბავშვის ჯანმრთელობაში გადახრაზე. ბევრ დაავადებას თავისი სპეციფიკური მიმდინარეობა და სიმპტომები აქვს, დიაგნოზის თვითნებური დასმა ყოველთვის არ ამართლებს და შეიძლება მძიმე შედეგები გამოიწვიოს.