სუროგატი დედობა
ექსტრაკორპორალური განაყოფიერება (ეკგ, ინ ვიტრო) სილკ მედიკალის ერთიერთი მთავარი მიმართულებაა
ოჯახის ბუნებრივი სურვილი, გახდნენ მშობლები, გამყარებულია თანამედროვე დამხმარე რეპროდუქციული ტექნოლოგიებით.
გენეტიკური მასალა შეიძლება მიღებული იქნას სილკ მედიკალში, ან გადმოტანილი სხვა ინ ვიტრო კლინიკიდან. საქართველოში სუროგატული დედობის პროგრამისათვის სახელმწიფო საზღვრები დაბრკოლებას არ წარმოადგენს ნებისმიერი ქვეყნიდან ბიოლოგიური მასალის ოპერატიული და ფრთხილი მოწოდების გამო.
სპეციალიზაცია:
- ეკგ (ინ ვიტრო) და კრიოგადატანა სუროგატული დედობის პროგრამის ფარგლებში
- ემბრიონების სელექტიური შერჩევა გენეტიკური სტატუსით (გამოიყენება პრეიმპლანტაციური გენეტიკური ტესტირება)
- სუროგატი დედების შერჩევა და გამოკვლევა
- სუროგატი დედების ორსულობის მართვა
ქართული კანონმდებლობა ერთერთი ყველაზე ლოიალურია სუროგაციის მიმართ, რაც ქვეყანას რეპროდუქციული ტურიზმის თვალსაზრისით ძალიან მიმზიდველს ხდის. ბავშვის მშობლებად დარეგისტრირების უფლება უნარჩუნდებათ იმ პირებს, რომლებმაც კონტრაქტი გააფორმეს სუროგატ დედასთან, ამავდროულად პროგრამაში ნებადართულია როგორც საკუთარი კრიოკონსერვირებული, ასევე დონორის ბიოლოგიური მასალის გამოყენება.
ერთადერთი შეზღუდვა მდგომარეობს იმაში, რომ ხელშეკრულების დადება შეუძლია მხოლოდ წყვილს, რომელიც ქორწინებაში წელიწადზე არანაკლები დროის განმავლობაში იმყოფება. ქორწინება შესაძლებელია იყოს დაურეგისტრირებელიც, მაგრამ ერთწლიანი თანაცხოვრების ფაქტი უნდა დასტურდებოდეს დოკუმენტებით, მაგალითად ისეთით, როგორიცაა საერთო ქონების ფლობის რაიმე საბუთი, ან ერთ მისამართზე ჩაწერა. ბავშვის რეგისტრაციისათვის დოკუმენტების მიღება სწრაფი პროცედურაა და არ იკავებს ერთ დღეზე მეტს. პროცედურის ჩატარებისათვის საჭიროა შეთანხმება, გაფორმებული გენეტიკურ მშობლებსა და სუროგატ დედას შორის, ცნობა ინ ვიტრო კლინიკიდან ემბრიონის გადაცემის შესახებ სუროგატი დედისათვის და ცნობა სამშობიარო სახლიდან ბავშვის/ბავშვების დაბადების შესახებ.
Სუროგატი დედა
- ასაკით 18 წლიდან და ზემოთ
- რომელსაც უკვე ყავს საკუთარი გენეტიკური შვილი
- წინა ორსულობის დადებითი გამოცდილებით და ვადაზე მშობიარობით
- მავნე ჩვევების გარეშე
- ფიზიკურად ჯანმრთელი, ფსიქიკური დარღვევების გარეშე, აუცილებელი შესაბამისი კვლევებით
სუროგატი დედები გადიან ზედმიწევნით შერჩევას მანამდე, სანამ კანდიდატი ქალი რეპროდუქტოლოგისაგან არ მიიღებს თანხმობას პროგრამაში მონაწილეობაზე. თუ ბიოლოგიური მშობლები მოისურვებენ, რომ სუროგატი დედის ორსულობა მართოს სილკ მედიკალმა, ეს შესაძლებელია. სამი ტრიმესტრის განმავლობაში სუროგატი დედა იქნება ცენტრის სპეციალისტების განსაკუთრებული კონტროლის ქვეშ. მრავალპროფილიანი სტრუქტურის წყალობით გინეკოლოგს ნებისმიერ მომენტში შეუძლია სუროგატი დედა გადაამისამართოს ვიწრო სპეციალიზაციის წარმომადგენელთან კონსულტაციაზე.
სუროგატი დედები
