ვარიკოცელე

ვარიკოცელე არის მდგომარეობა, როდესაც სათესლე ჯირკვლის პამპინიფორმული წნულის ვენები ფართოვდება, და იგროვებს სისხლს სათესლე ჯირკვლებიდან. პათოლოგიის მიზეზები ბოლომდე არ არის ცნობილი. ითვლება, რომ ვენური სისხლძარღვების და სარქველების ანატომიის თავისებურებები იწვევს ამას. ჩვეულებრივ, ვარიკოცელე ვლინდება მომწიფების პერიოდში, ხშირად მას არ ახლავს სიმპტომები. ზოგჯერ ვლინდება ტკივილის სახით, სათესლე ჯირკვალი იკლებს ზომაში, ირღვევა მამაკაცის რეპროდუქციული ფუნქცია. ამ შემთხვევაში რეკომენდირებულია ქირურგიული მკურნალობა.

რას იწვევს ვარიკოცელე?

ხშირად ვარიკოცელე არ იწვევს სიმპტომებს და არაფერს ემუქრება. გაფართოებულ ვენებს ქირურგი აღმოაჩენს პალპაციით – სათესლის პარკის პალპაციით. ზოგიერთ შემთხვევაში, ვენური სისხლის სტაგნაცია იწვევს იმას, რომ სათესლე ჯირკვალი მუდმივად გადახურებულია, მასზე გავლენას ახდენს ტოქსიკური ნივთიერებები, რომლებიც გროვდება სისხლში. ეს საფრთხეს უქმნის სპერმატოზოიდების მომწიფებას და მამაკაცის უნაყოფობის საშიშროებას წარმოქმნის.

ყოველთვის აუცილებელია ვარიკოცელეს ოპერირება?

ოპერაცია ყოველთვის არ არის საჭირო. ქირურგიული ჩარევა რეკომენდირებულია შემდეგ შემთხვევებში:

• თუ გაწუხებთ ტკივილი სათესლის პარკში
• თუ სათესლე ჯირკვალი დაზიანებულ მხარეს არის შემცირებული, განუვითარებელი
• თუ ვარიკოცელე იწვევს უნაყოფობას

ოპერაციის ტიპები

ოპერაციის მიზანია გაფართოებულ ვენებში სისხლის ნაკადის შეჩერება. არსებობს ინტერვენციის სხვადასხვა ვარიანტი, ამჟამად ძირითადად გამოიყენება ორი:

• მიკროსკოპული ვარიკოცელექტომია. კეთდება მცირე ჭრილობა საზარდულის არეში. სპეციალური მიკროსკოპის გამოყენებით ქირურგი პოულობს და ახდენს დაზიანებული ვენების ლიგირებას. ოპერაცია გრძელდება 2-3 საათი.
• ლაპაროსკოპიული ვარიკოცელექტომია ტარდება მუცლის კედელის გაჭრით. ეს ჩარევა გრძელდება 30-40 წუთი.

კლინიკა SILK Medical-ში ვარიკოცელეს ოპერაციებს გამოცდილი ქირურგები უახლესი აპარატურით აღჭურვილ საოპერაციო ოთახში ატარებენ.