საკვერცხეების გაახალგაზრდავება
საკვერცხეების გაახალგაზრდავება
PRP თერაპია (პლაზმოლიფტინგი) – ეს არის მეთოდი, რომელიც ეფუძნება პაციენტის სისხლში პლაზმის შეყვანას, გამდიდრებულს თრომბოციტებით. თავის მხრივ თრომბოციტები შეიცავს იმ ნივთიერებათა დიდ რაოდენობას, რომლებიც უზრუნველყოფენ დაზიანებული ქსოვილების რეგენერაციასა და ზრდას. PRP-ს ჩატარების შემდგეგ აღინიშნება სისხლძარღვების აღდგენა, საკვერცხეების მომარაგების გაუმჯობესება საკვები ნივთიერებებით და მათი გაახალგაზრდავება. ზრდის ფაქტორები, რომლებიც გამდიდრებულ თრომბოციტებში შედის, ასტიმულირებენ კვერცხუჯრედის მომწიფებასა და ოვულაციას. ამ ტექნოლოგიის გამოყენების შედეგად ხერხდება, აღდგეს რეპროდუქციული ფუნქცია იმ ქალებში, რომელთაც აქვთ კვერცხუჯრედების დაბალი მარაგი.
როგორ ტარდება PRP პროცედურა?
ვენიდან იღებენ რამდენიმე შპრიც სისხლს და ათავსებენ ცენტრიფუგაში. ცენტრიფუგა სწრაფად ბრუნავს, რაც საშუალებას იძლევა, გაცალკევდეს სისხლი შრეებად. ზედა შრე, რომელიც შეიცავს თრომბოციტებსა და ლეიკოციტებს, თხელი შუა შრე, რომელიც შეიცავს ლეიკოციტებს და ქვედა შრე, რომელიც ერთითროციტებისაგან შედგება. ეს პროცესი დაახლოებით 45 წუთი გრძელდება. შუა შრე ნემსის მეშვეობით ცალკე იქნება აღებული და PRP, რომელიც მკურნალობაში გამოიყენება, მზადაა პროცედურის ჩასატარებლად. PRP-ს შეყვანა ხდება უშუალოდ საკვერცხეებში ტრანსვაგინალური პუნქციის მეშვეობით. პროცედურა მიმდინარეობს ანესთეზიური სედაციის ქვეშ, რათა პაციენტმა არ იგრძნოს ტკივილი.
რა შემთხვევებში გამოიყენება საკვერცხეების PRP?
ამ სახის თერაპია ნაჩვენებია ქალებისათვის, რომლებსაც აქვთ შემდეგი სახის სამედიცინო დასკვნა:
- პერიმენოპაუზა 50 წლამდე ასაკში;
- საკვერცხეების დაბალი რეზერვი და ანტიმიულერის ჰორმონის დაბალი დონე;
- საკვერცხეების ნაადრევი უკმარისობა;
- დაბალი ხარისხის კვერცხუჯრედები.
საკვერცხეების გაახალგაზრდავება PRP-ს მეშვეობით შეიძლება კარგი ვარიანტი იყოს დაბალი ოვარიალური რეზერვის მქონე პაციენტებისათვის, მათთვის, ვისაც აქვს ადრეული მენოპაუზა და მათთვის, ვისაც მოემატა ასაკი, რადგან მკურნალობის სხვა შესაძლებლობა, რათა გაიზაროს დაორსულების შანსები, ასეთი ქალებისათვის არ არსებობს. ამავდროულად, წარმატების მოსალოდნელი სიხშირე შეზღუდულია. მიმდინარე მონაცემები აჩვენებს, რომ PRP ქალების ერთი ნაწილისათვის მუშაობს, მაშინ, როცა მეორე ნაწილისათვის არ ჩანს სასურველი შედეგი.
