ულტრაბგერითი გამოკვლევა ბავშვებისთვის

ულტრაბგერითი გამოკვლევა დიაგნოსტიკის ერთ-ერთი საუკეთესო მეთოდია პედიატრიაში. ის ეხმარება უამრავი დაავადების ადრეულ სტადიაში გამოვლენას, მანამ, სანამ პირველი სიმპტომები იჩენს თავს. ამავდროულად, დიაგნოსტიკის ეს მეთოდი უსაფრთხოა: ულტრაბგერითი ტალღები, რენტგენისგან განსხვავებით, არ აყენებს ზიანს ორგანიზმს. ამიტომ, ექოსკოპიის გამოყენება დაშვებულია ორსულობისასაც.

რა ტიპის ულტრაბგერითი დიაგნოსტიკის გავლა სჭირდება ბავშვს?

ბავშვებში სხვადასხვა ტიპის ულტრაბგერითი დიაგნოსტიკა სკრინინგის მიზნით გამოიყენება. მათი ჩატარება რეკომენდირებულია ყველა ბავშვისთვის განსაზღვრულ ასაკში მიუხედავად იმისა, გამოვლენილია თუ არა სიმპტომები ან არის თუ არა ეჭვი რაიმე დაავადების არსებობისა:

• მუცლის ღრუს ულტრაბგერითი გამოკვლევა გვეხმარება ბევრი ორგანოს მდგომარეობის შეფასებაში.
• თირკმლებისა და შარდის ბუშტის ულტრაბგერითი გამოკვლევა გვეხმარება ინფექციების, სიმსივნური წარმონაქმნების, შარდსაწვეთის შევიწროების დიაგნოსტიკაში.
• გულის ულტრაბგერითი დიაგნოსტიკა (ექოკარდიოგრაფია) – გულისა და მისი კლაპანების მანკის, სისხლძარღვებისა და სხვა დაავადებების დიაგნოსტიკის მეთოდი.
• ფარისებრი ჯირკვლის ულტრაბგერითი დიაგნოსტიკა გამოიყენება კვანძების, მათი ზომის ზრდის და სხვა მდგომარეობების გამოსავლენად. 
• სათესლე ჯირკვლის ულტრაბგერითი დიაგნოსტიკა (ბიჭებში) იძლევა ვარიკოცელეს გამოვლენის საშუალებას. მისი საშუალებით ეძებენ ჩამოუსვლელ სათესლე ჯირკვალს კრიპტოქრიზმის დროს.
• მცირე მენჯის ღრუს ულტრაბგერითი დიაგნოსტიკა ავლენს სწორნაწლავის, პროსტატის, შარდის ბუშტისა და საშვილოსნოს ცვლილებებს.
• ნეიროსონოგრაფია – თავის ტვინის ულტრაბგერითი გამოკვლევა გვეხმარება სისხლძარღვებისა და თავის ტვინის ანომალიების, კისტებისა და სისხლაჩაქცევების გამოვლენაში. ნეიროსონოგრაფია ყველა ბავშვს უტარდება. როგორც წესი, ცვლილებების უმრავლესობა – პარკუჭების, თავის ტვინის ნახევარსფეროებს შორის უფსკრულის, პატარა კისტების ზრდა – საჭიროებს დინამიურ კონტროლს, თუმცა „გადაიზრდება და კომპენსირდება ბავშვის ზრდასთან ერთად. 
• მენჯ-ბარძაყის ულტრაბგერითი გამოკვლევა – სკრინინგ კვლევა მენჯ-ბარძაყის სისხლძარღვების დისპლაზიის ადრეული დიაგნოსტიგისთვის.

მუცლის ღრუსა და თირკმლების პროფილაქტიკური ულტრაბგერითი გამოკვლევა საჭიროა ჩატარდეს 1 თვის, 6 და 15 წლის ასაკში. ექოკარდიოგრაფია ტარდება 1 თვისა და 6 წლის ასაკში. ფარისებრი ჯირკვალი ერთჯერადად გამოიკვლევა 6 წლის ასაკში, ხოლო ნეიროსონოგრაფია და მენჯ-ბარძაყის ულტრაბგერითი გამოკვლევა – 1 თვის ასაკში.

კლინიკა SILK Medical-ში ყველა ზემოაღნიშნული კვლევა ტარდება თანამედროვე უმაღლესი კლასის აპარატურით. მათ ატარებენ გამოცდილი ექიმები, რომლებმაც იციან როგორ მიუდგნენ პატარა პაციენტებს.