უროლოგის კონსულტაცია
უროლოგი ექიმი სპეციალისტია, რომელიც შარდგამომყოფი სისტემის დიაგნოსტიკით, მკურნალობითა და პროფილაქტიკით არის დაკავებული. მათ შორის: შარდსადენი არხი (ურეთრა), შარდის ბუშტი, შარსაწვეთი და თირკმლები. ბევრი თვლის, რომ უროლოგი მხოლოდ მამაკაცების ექიმია, თუმცა იგი მკურნალობს ქალებსა და ბავშვებსაც.
რა შემთხვევებში მივმართოთ უროლოგს?
ყველაზე ხშირად ამ ექიმს მიმართავენ შემდეგი სიმპტომებით:
- შარდის ცვლილებები: თუ გახდა მუქი, გაუჩნდა უსიამოვნო სუნი ან გაერია სისხლი
- ხშირი შარდვა
- მტკივნეული, გართულებული შარდვა
- ტკივილები მუცლის ქვედა ნაწილში, წელის მიდამოში
- ტკივილი და სხვა უსიამოვნო შეგრძნებები ინტიმურ ზონაში
- შარდის შეუკავებლობა
- გამონადენი შარდგამომყოფი არხიდან
ექიმი უროლოგი დაადგენს ამ პრობლემების მიზეზს, დასვამს ზუსტ დიაგნოზს და დანიშნავს ეფექტურ მკურნალობას.
რა ხდება ექიმთან კონსულტაციის დროს?
პირველად კონსულტაციას ექიმი ანამნეზის შეგროვებით იწყებს. ის ეკითხება პაციენტს სიმპტომებზე, როგორ გაჩნდნენ ისინი, რა იცვლებოდა დროთა განმავლობაში, რა დაავადებები გადაიტანა, მისი სქესობრივი ცხოვრების შესახებ და ა.შ. შემდეგ ექიმი უშუალოდ სინჯავს პაციენტს. შედეგებით სვამს წინასწარ დიაგნოზს და იწყებს მის დასაზუსტებლად დიაგნოსტიკას.
განმეორებითი ვიზიტისას უროლოგი სწავლობს გამოკვლევის შედეგებს, აზუსტებს დიაგნოზს და ადგენს მკურნალობის პროგრამას. უროლოგიაში გამოიყენება არა მხოლოდ მედიკამენტოზური თერაპია, არამედ ქირურგიული ჩარევის სხვადასხვა სახეები – ტაქტიკა დამოკიდებულია დიაგნოზზე კონკრეტულ შემთხვევაში.
