ორსულობის მართვა

ორსულობის მართვის  თავისებურებები  ეკგ–ს (ექსტრაკორპორალური განაყოფიერების) შემდეგ 

ეკგ–ს შემდგომ ორსულობის მართვას აქვს გარკვეული თავისებურებები, რაც დაკავშირებულია ორსულობის შეწყვეტის რისკთან ემბრიონის გადატანიდან პირველ კვირებში და დამატებითი ჰორმონალური  მხარდაჭერის საჭიროებასთან. 

ორსულობის მართვის ძირითადი მიზნებია: 

• მენჯის ღრუს ორგანოების ინფექციური დაავადებების პროფილაქტიკა;
• მრავალნაყოფიანი ორსულობის ადრეული დიაგნოსტიკა; 
• თვითნებური აბორტის რისკის მინიმუმამდე შემცირება; 
• ნაყოფის განვითარებისას ანომალიების დროული გამოვლენა.

ეკგ-ს შემდეგ ქალს აკვირდება არა მხოლოდ გინეკოლოგი, არამედ,   ჩვენებიდან გამომდინარე, მას ენიშნება სხვა  სპეციალისტების კონსულტაციებიც, მაგალითად: კარდიოლოგის, ენდოკრინოლოგის, ნევროლოგის და ა.შ. 

ეკგ ორსულობის მართვა ტრიმესტრებში 

ყოველ ტრიმესტრში საჭიროა გეგმიური გამოკვლევები. მათი მიმართულება შეირჩევა  ინდივიდუალურად და ასევე, ორსულობის ვადის გათვალისწინებით. მთელი ორსულობის განმავლობაში ტარდება სისხლის ზოგადი და ბიოქიმიური ანალიზი, შარდის ზოგადი ანალიზი და კოაგულოგრამა. 

პირველ ტრიმესტრში გამოკვლევების ნაკრები ასევე მოიცავს ადამიანის ქორიონული  გონადოტროპინის დონის განსაზღვრას დინამიკაში,  მენჯის ღრუს ორგანოების ექოსკოპიას და ა.შ.  ჩვენს კლინიკაში ექიმები ადგენენ ლაბორატორიული და  ინსტრუმენტული კვლევების ჩამონათვალს, რომლებსაც ითხოვს ეკგ ორსულობის მონიტორინგი. 

მეორე ტრიმესტრში ტარდება დამატებითი ანალიზი ალფა–ფეტოპროტეინზე, რომელიც აქტიურ მონაწილეობას იღებს ნაყოფის განვითარებაში. მისი დონე უნდა  შეესაბამებოდეს ემბრიონის ასაკს განაყოფიერების მომენტიდან. 

ორსულობის მესამე ტრიმესტრში შესაძლებელია კარდიოტოკოგრაფიის ჩატარება. ეს კვლევა  ადგენს ნაყოფის გულისცემის და მისი მოძრაობების შესაბამისობას ნორმებთან. ასევე, კარდიოტოკოგრაფიის დროს ტარდება საშვილოსნოს შეკუმშვის  დიაგნოსტიკა და გამოვლინდება ბავშვის რეაქცია ამ შეკუმშვაზე. 

ორსულობის მართვის უპირატესობა კლინიკა SILK Medical-ში  

ჩვენთან თითოეულ პაციენტს ენიშნება მეან–გინეკოლოგი,  რომელიც მთელი ორსულობის განმავლობაში აკონტროლებს მდგომარეობას,  განსაზღვრავს გამოკვლევებისა და სპეციალისტებთან კონსულტაციის დროს. ჩვენი კლინიკა აღჭურვილია მოწინავე, საექსპერტო კლასის აპარატურით, რისი საშუალებითაც ჩვენ ვატარებთ სხვადასხვა სირთულის გამოკვლევებს. გარდა ამისა,  თანამედროვე აღჭურვილობა შესაძლებელს ხდის პათოლოგიური ცვლილებების  გამოვლენას განვითარების საწყის ეტაპზეც კი. ორსულებზე, რომლებიც დარეგისტრირებულები არიან ჩვენს კლინიკაში, გავცემთ  ყველა საჭირო დოკუმენტს. დოკუმენტაცია იწარმოება დადგენილი სტანდარტების  შესაბამისად. 

თქვენ შეგიძლიათ გაიგოთ კიდევ უფრო მეტი ეკგ–ს შემდგომი ორსულობის მართვის შესახებ ჩვენს ექიმთან ჩაწერის გზით.  ამისათვის უბრალოდ უნდა დარეკოთ ტელეფონზე, ან შეავსოთ გამოხმაურების ფორმა  კლინიკის საიტზე.